Baztan, Bortziriak eta Malerrekako Gazte Koordinadora Sozialistak bigarren aldiz antolatu zuen Mendaurko Kilometro Bertikala apirilaren 25ean. Elgorriagatik abiatu ziren 48 lasterkariak eta bortz kilometro eta 980 metroko desnibeleko bidea egin behar izan zuten, lainoek estaltzen zuten Mendaurko kaskoraino.
Igoerarik azkarrena Berriozarko Imanol Kañamares Mugerzak egin zuen 42 minutu eta 50 segundotan, iazko Mikel Alzuriren 46 minutu eta 23 segundoko marka hautsiz. Emakumeen kategorian, berriz, Enea Erkizia Amoros doneztebarrak lortu zuen txapela ordubete, 3 minutu eta 48 segundoko denborarekin, eta honek ere iazko Alaitz Olanoren ordubete, 9 minutu eta 30 segundoko marka gainditu zuen.
Proba akituta, 90 bat lagun bildu ziren Elgorriagako plazan bazkaltzeko.