Lehenbiziko tantoa gorriek egin baldin bazuten ere, beti aitzinetik ibili ziren urdinak eta tanto alderik handiena bukaeran lortu zuten. Utergak 18 tanto egin zituen, bikain aritu zen eta pilotarik galdu ez zuen Arrizabalagak 10 eta bederatzina Zeberiok eta Mitxeok.
Aitzinetik, jaialdiko lehen partidan, Koteto Ezkurra III.a doneztebarrak eta Xuban Ilarregi oiztarrak 30-24 irabazi zieten Osesi eta Baztani.
Maiatzaren 2an Iruritako Aranabian
Udaberriko Erremonte Profesionaleko Txapelketako hirugarren jardunaldia maiatzaren 2an jokatuko dute Iruritako Aranabia pilotalekuan. Txapelketako partidan, orain arte jokatu den partida galdu duten Zeberio II.a eta David Mitxeo doneztebarra eta Eloy Otxandorena doneztebarra eta Barricart izanen dira aurrez aurre.