Lehen fasea akitu ondotik, apirilaren 25ean, larunbat goizean jokatuko dituzte Aurtizko Koianea Ttikiko pilota txapelketako final laurdenak. Larunbatean, 09:30ean, Oskariz Anaiak, Zubietaren eta Agustinen kontra ariko dira; 11:00etan, Urko Loiarte eta Mikel Anzizar, Ilarregiren eta Iruritaren kontra; 12:00etan Anso eta Inda, Mikel Ezkurraren eta Mattin Leizaren kontr aeta 13:00etan, Iker Bereau eta Ugaitz Elizalde, Urruzolaren eta Eskuderoren kontra.
Final laurden hauetako irabazleek maiatzaren 3an jokatuko dituzte finalerdiak eta maiatzaren 16ko finalerako egun osoko egitarau zabala antolatua dago. Lehenik, hirugarren eta laugarren postuko partida jokatuko dute. Gero, final handia. Kantu bazkaria eginen da. Txartelak herriko ostatuetan salgai daude (helduek 40 euro, haurrek 20 euro). Arratsaldean kantuan eta dantzan aritzeko aukera izanen da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.