35-31 irabazi zieten lau hilabeteren ondotik kantxetara bueltatu den Eloi Otxandorena doneztebarrari eta Barricarti
Otxandorenak lau hilabete zituen jokatu ezinik, besoko minez, baina galdu arren, partida bikaina jokatu zuen eta 21 tanto egin zituen. Halere, Barricartek ez zion sobera lagundu eta Mikelarena eta Ion gehiago izan ziren bikote moduan. Ia beti aitzinetik izan ziren, hamar tantoko aldearekin (13-23, 15-25, 16-26, 17-27, 20-30 eta 21-31), baita hamaika tantokoa ere (21-32). Azken txanpan, ordea, estutu egin zuten Otxandorenak eta Barricartek eta, 10-2ko partzialarekin, hiru tantora hurbildu ziren, baina azkenean 31-35 nagusitu ziren urdinak.
Jaialdiko lehen partidan, Matxin III.ak eta Xuban Ilarregi oiztarrak 30-22 irabazi zieten Jon Sagaseta iruritarrari eta Agirrezabalari.