Berria Txapelketan finalerdietarako pilota aukeraketa egin zuten astearte arratsaldean Galarretan eta partida bakoitzean bikoteek material oso ezberdina aukeratu dute. Lehenengo finalerdirako Josetxo Ezkurra II.a doneztebarrak eta Goikoetxeak, Imanol de Rueda Martixpe doneztebarrak eta Barrenetxeak baino lau pilota motelagoak aukeratu dituzte. 128 gramoko bi eta 126 gramoko bertze bi banatu dituzte. Urdinek berriz, pilota biziagoen apustua egin dute eta lauek125 gramo pisatu dituzte.
Ezkurrak eta Goikoetxeak, Martixpe eta Barrenetxea baino pilota motelagoak aukeratu dituzte saskitik
Alde handiagoa izan da bigarren finalerdietarako piloten artean. Arluziagak eta Azpirozek saskian zeuden lau pilota motelenak izan dituzte jo mugan eta Segurola-Aldabe bikoteak berriz guztiz kontrakoa, saskiko lau pilota bizienak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.