Ordizia-Beasaingo gazteak ezagutzeko jokoak izan zituzten lehen asteburuan eta gazteen asteburua bigarrenean
Bigarren asteburuan, Ittungo gazte asteburuan, ekitaldi arrakastatsuak antolatu zituzten. Apirilaren 10ean, ortzirale ilunabarrean, talo jatearen bueltan herritar ugari bildu zen eta bingo eta mus txapelketak izan zituzten. Biharamunean, berriz, larunbat goizean goiz abiatuta mendi itzuli ederra antolatuta zuten, herriko mendietan egindako ibilbidearekin. Kuadrilla polita animatu zen, adin guztietako herritarrak. Eguerdian, gaztaren pisua asmatzeko lehiaketa eta poteoa egin zuten. Herrian antolatzen diren bertso bazkari guzietan bezala, honetan ere herritar ugari animatu zen. 90-100 lagun inguru elkartu ziren herriko etxeko ganbaran egindako bazkarian, Sustrai Colina eta Xabat Ilarregi bertsolariekin. Arratsalde ederra pasa zuten bertsoak entzuten eta trikitilariekin dantzan eta kantuan. Asteburuari akabaila ederra eman zioten, batzuk gaupasa eginez, DJ Endara goizeko ordu ttikiak arte aritu baitzen.