Honako testua irakurri dute:
Igandean, martxoaren 8a, Emakumeen Nazioarteko Eguna da eta hemen elkartu gara gogoratzeko gaur egun ditugun eskubide eta askatasun anitz ez direla berez etorri. Borrokaren emaitza izan dira. Antolakuntzaren emaitza izan dira. Feminismoaren emaitza izan dira.
Mendeetan zehar emakumeek egindako lanari, mobilizazioari eta ausardiari esker bozkatu dezakegu, hezkuntza jaso dezakegu, lan egin eta gure dirua kudeatu dezakegu, gure gorputzaren eta gure bizitzaren inguruan erabaki dezakegu.
Baina badakigu bidea ez dela amaitu, erabateko berdintasuna ez baita oraindik lortu. Diskurtso antifeministek zalantzan jartzen dituzte lortutako aurrerapenak, eta horregatik, gaur inoiz baino gehiago, feminismoaren balioa eta indarra aldarrikatzen ditugu.
Feminismoa justizia sozialaren aldeko mugimendua da. Demokraziaren oinarria da. Gizarte bidezkoago eta berdinzaleago baten aldeko konpromisoa da.
Horregatik, erakunde publiko gisa, gure ardura da genero ikuspegia politika guztietan txertatzea, berdintasunean heztea eta emakumeen eta mugimendu feministaren ekarpena aitortzea.
Izan ere, borroka kolektiboari esker gaude gaur hemen. Feminismoak ekarri gaitu honaino. Eta hari esker, gaur izan, egon, esan eta erabaki dezakegu.