Obra honek 473.710,17 euroko kostua izan du eta Sasoi Eraikuntzak egin du
Bide berdearen tarte horretan pasatzen diren erabiltzaileen segurtasuna bermatzea zuten helburu, menditik harriak erortzen direnerako babesa sortuz.
Hasiera batean obra abenduaren 31rako akitzea aurreikusita bazuten ere, lanak egiten ari zirenean ikusi zuten zati horretan bideak zuen zoladurarekin zailtasun teknikoak izanen zituztela. Horren ondorioz, lanak egokitu behar izan dituzte eta horrek obra akitzeko epea gibeleratzea ekarri du.
473.710 euroko kostua
Galeriaren horren kostua 473.710,17 eurokoa izan da. Obra Sasoi Eraikuntzak egin du, eta proiektuaren zuzendaritza teknikoa Iñaki Galilea Calleja eta Juan Bautista Guallart Vega ingeniarien ardura izan da.
Esku hartze hau «Baztan-Bidasoan turismo jasangarri, seguru eta kalitatezkoa sustatzeko estrategiaren barrenean» kokatu dute, mugikortasun jasangarria eta ingurune naturalaren gozamena bultzatzen dituzten azpiegiturak hobetuz.
