Elhuyar Fundazioak sorturiko erakusketa da Zientzia-emakumeak argira. Erakusketak zientzia eta teknologiaren munduko emakume erreferente errealak (oraingoak eta iraganekoak, jakintza-arlo ezberdinetakoak, arrazializatuak, hasiberriak diren emakume gazteak eta bide profesional luze eta oparoak egindakoak…) hurbildu nahi dizkio euskal gizarteari eta, modu berezian, haur eta gazteei.
Doneztebeko liburutegira joaten direnek #011 ginkanan parte hartzen ahalko dute digitalki zein paperean.
Erakusketa martxoaren 13ra arte ikusten ahalko da Doneztebeko liburutegian, astelehenetik ortziralera 17:00etatik 20:00etara.
Erronka
Hilabetero gain bati buruzko erronka osatzen dute Doneztebeko liburutegian, eta otsailekoan emakume zientzialariak izanen dituzte solasgai. Otsailaren 27an izanen da erronka 18:00etan haurrentzat.