Doneztebekoak 30-19 galdu zuen Azpirozen kontra eta Uitzikoa izanen da Ansa II.aren arerio hurrengo kanporaketan
Ordura arte partida berdindua izaten ari zen, baina Ezkurraren lau hutsek eta Azpirozen sakeak partida hautsi zuten. Irabazleak zortzi tanto egin zituen saketik galtzailearen biren truke. 12-10etik 24-14ra pasa zen eta hortik aurrera irabazleak ederki kudeatu zuen lortutako errenta. 30-19ra arte.
Orain Ansa II.aren aurka neurtuko ditu indarrak, partida zailagoan, baina Azpiroz fresko dago zangoz eta kolpez. Partida horren irabazleak, Aritz Juanenea saldiastarra eta Barrenetxea IV.a ditu esperoan hiruko ligaxkan.
Ligaxka otsailaren 7an hasiko da, 16:30ean iragarri den jaialdian. Bigarren partidua otsailaren 14an jokatuko da, 16:30etatik aitzinera eta ligaxka otsailaren 21ean bukatuko da, 15:15ean hasiko den jaialdiarekin. Ligaxkako bi lehenbiziko sailkatuek finala jokatuko dute otsailaren 28an.