Garai bateko distirarik gabe, baina ederki joan zen San Anton eguna Zubietan ere. Iragarri bezala, meza eta hamaiketakoa izan zuten baselizan eta txokolate beroa eskaini zuen udalak eta Hauspolariek taldeak musika jarri zuen estalpean.
Euskal Herriko mus txapelketako kanporaketa ere jokatu zen. Zazpi bikoteren artean, Jexux Santesteban eta Josetxo Elizalde izan ziren txapeldun, finalean Xabier Bendoirori eta Juanjori irabazita. Irabazleak izanen dira herriko ordezkari Nafarroako finalean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.