Jaialdiko lehen partida bikain eta berdinduan, Matxin III.ak eta Ionek 30-29 irabazi zioten Zeberio II.ari eta David Mitxeo doneztebarrari.
Finalari dagokionez, aski lehia estua eskaini zuten Otanok eta Otxandorenak. Lehen bi tantoak Agoitzekoak egin zituen, baina hirunako berdinketaren ondotik, lehen aldiz 3-4 aitzinetik jarri zen Doneztebekoa. Lau tanto segidan egin zituen Agoitzekoak (7-4) baina gero Otxandorenak bortz egin zituen bata bertzearen ondotik (7-9). Bederatzina, hamahiruna eta hamaborzna berdindu ondotik, bortz tanto segidan egin zituen Otanok (20-15) eta aldeari euste jakin izan zuen. Zazpi tantoko aldea ere izan zuen (24-17 eta 27-20), baina hiru tantora (28-25) eta bira ere (29-27) hurbildu zen Otxandorena, baina ezin izan zuen buelta eman (30-27).
Huts guttiko finala izan zen: Otanok 25 tanto egin zituen jokoan eta 23 Otxandorenak eta sakez bosna tanto egin dituzten.
