Aritz Juanenea txapedunorde Azpeitiko erremonte txapelketan

Ttipi-Ttapa 2025eko abenduaren 9a

Goikoetxea V.a eta Juanenea txapeldunorde eta Ansa II.a eta Eskudero txapeldun, igandean, Azpeitiko erremonte txapelketako finalaren ondotik.

Azpeitiko Torneoa final handi batekin bukatu zen abenduaren 7an. Ansa II .ak eta Eskuderok 2-1 (13-15, 15-14 eta 8-3) irabazi zieten Goikoetxea V.ari eta Aritz Juanenea saldiastarrari. Final parekatua eta zirraragarria izan zen, piloteatua izateaz gain. Espero bezala, Juaneneak eta Ansak pisua eta ahots kantaria eraman zituzten bikote bakoitzean. Juaneneak sei tanto egin zituen lehen jokoan eta bederatzi bigarrenean; berdinketa haustean, ordea, ez zuen tantorik egin. Ansak lehen eta bigarren jokoan bederatzina tanto egin zituenz, eta behin betikoan sei, guztira 24 lortzeko.

Goikoetxea V.arekin batera 1-2 (15-13, 14-15 eta 3-8) galdu zuen igandeko finalean Ansa II.aren eta Eskuderoren kontra

Eskuderok lehen joko aldrebesagoa izan zuen hainbat akatsekin, baina hurrengo bietan zuzendu zen.
Partida berdinketa haustean erabaki zen, funtsezko bi tantorekin. Hasieran epaileak buelta bat eman zuen eta sake zalantzagarri bat ona izan zela adierazi zuen. Bi erabakiak Ansa eta Eskuderoren aldekoak izan ziren eta Juaneneak kontzentrazioa galdu zuen. Lesionatutako Aiestaran VII .aren ordez aritu zen Goikoetxeak bi tanto egin zituen, baina gehiago izan ziren set erabakigarriaren azken emaitza makillatzeko.
Giro ederra izan zen Izarraitz pilotalekuan 150 pertsona ingururekin.

Kirola Malerreka Saldias

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun