Mendaur institutuko DBH laugarren mailako frantseseko ikasleak Hurbildu proiektuan murgilduta daude. Proiektuaren helburua Senegalgo Debi-Tiguette institutuko eta Mendaur institutuko ikasleen eta irakasleen artean harremana bultzatzea da eta baita Senegalgo ikastetxean moldaketak egiteko eta materiala erosteko dirua biltzea ere. Proiektuaren barrenean, abenduaren 5ean, ortziralea, topaketa antolatu dute Doneztebeko Zineman.
Abenduaren 5ean Hurbildu zer den aurkeztuko dute eta bertaratzen direnek, gutunak idazteko eta elkarrekin hausnartzeko aukera izanen dute. Gainera, kontzertua ere izanen da eta baita bertako dantzak ere. Proiektua herritarrei aurkezteaz gain, ekitaldiaren helburu nagusia Senegalera bidaltzeko dirua lortzea izanen da.
Aurkezpeneko ekitaldian parte hartu ezin dutenek ere ekarpena egiteko aukera dute kontu honetan dirua sartuz: ES14 3008 0050 38 5349617125.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.