Ekitaldiz betetako kultur egunak datoz Iturenera abenduaren 5etik 7ra

Ttipi-Ttapa 2025eko abenduaren 4a

Julio Soto eta Sustrai Colina ariko dira kantari larunbat arratseko bertso afarian, Iturengo kultur egunen barrenean.

Bertze urte batez Iturengo Kultur egunak antolatu dituzte Iturengo Udalak, Ibintza Kultur Taldeak eta Pulunpa Guraso Elkarteak abenduaren 5etik 7ra. Solasaldia, mus txapelketa, kontzertua, bertso afaria eta azken urteetako ohiturari eutsiz, igandean artisau azoka izanen dute.

Ortziralean hitzaldia eta mus txapelketa, larunbatean kontzertua eta bertso afaria eta igandean artisau azoka eta magia izanen dituzte, bertzeak bertze

Abenduaren 5ean, ortziralean 19:30ean, Andres Iñigo herriko euskaltzainak Etxe-izenen ezaugarri nagusiak eta Iturengo adibideak solasaldia emanen du herriko etxeko ganbaran. 21:00etan pintxo potea izanen da Iturengo Herriko Ostatuan. Mus txapelketa ere jokatuko da Iturengo herriko ostatuan eta gero, bingoa

Abenduaren 6an, larunbatean 19:00etan kontzertua emanen du Tira Bira taldeak. 21:30ean bertso afaria Julio Soto eta Sustrai Kolinarekin Iturengo herriko ostatuan.

Abenduaren 7an, igande goizean artisau azoka izanen dute Iturengo plazan. Arratsaldean, 17:30ean, Hodei magoaren ikuskizuna Aurtizko frontoian. 19:00etan talo jatea, Iturengo eskolako guraso elkarteak antolatu.

Kultura Malerreka Ituren

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun