Bertze guztietan bezala, aziendarik gabeko feriak izan zituzten joan den ortziralean Donezteben. Doneztebeko Udalak, halere, omenaldia eskaini nahi izan zion berriki hildako Bittor Mendiburu abeltzain eta tratanteari. Aurtengo ferietako kartelean Mendibururen irudia erabili dute, azienda tratua ixteko egiten den esku emate baten argazkiarekin eta ‘Eskerrik asko, Bittor’ paratuz. Gainera, Mendibururen familiari lore xorta eramatera joan ziren udal ordezkariak. Argazkiak: Alicia del Castillo
Kartelean bere eskuen irudia erabiltzeaz gain, lore xorta eman zion udalak bere familiari
Gainerakoan, aziendarik izan ez bazen ere, hainbat eta hainbat salmenta postu izan zituzten Doneztebeko karriketan, eguraldi bikaina aprobetxatuz. Arantxa Arregi alkateak aipatu zuenez, «150 bat salmenta postu izan dira, metroa 15 euro ordainduta, eta jendetza ibili da».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.