Kirol apustu ikusgarria egun handia hasteko
Baina Ulibeltzak elkartearen egun handia azaroaren 8a izan zen, larunbata. Aurten, bi kuadrillen arteko kirol desafioak (gazteak eta ez hain gazteak) ikusmina piztua zuen. Larunbatean, 09:00etan euripean, altxaferoa bota eta apustuari hasiera eman zioten Koldo (gazteekin) eta Eneko Herrera Urroz anaiek Oteixonerako bidean. Oteixoneko gailurrean, gazteen aldetik Aimar Migeltorena Mujika zegoen eta bertze taldetik, Haritz Bereau Mutuberria. Hauek Oteixon jautsi eta erreleboa plazan eman zioten Eneit Bertiz Apezetxeari eta Asier Antuña Zelaietari. Bi hauek Mendaur igo zuten. Bukaera emateko, Mendaurreko jautsiera Ekaitz Bertiz Apezetxeak eta Liher Lastiri Aranbarrik egin zuten. Ulibeltzak elkarteko helmugaraino. Aitzineko egunetan eta larunbatean ere euria egin zuen eta ibilbide guztia lohitua zegoen. Beraz, garrantzitsuena inork minik ez hartzea izan zen, baina gazteak gailendu ziren, hau da, Koldo Herrera, Aimar Migeltorena, Eneit Bertiz eta Ekaitz Bertiz. Zorionak ekipo.
Ia ehun lagun bazkarian
Eguerdian trikipoteoa egin zen, Itxaso Arrieta Agirre, Ainhoa Etxebeste Arretxea eta Janire Apeztegia Etxebesteren eskutik. Gero, 98 pertsonek elkartea bete zuten bazkarian. Aipatzekoa Unai Apezetxea sukaldariak egindako lan bikaina, baita bere guraso Patxik eta Maitek. Eguna ezin hobe akitzeko, Modestoren eskutik dantzaldia izan zen gaueko hamarrak bitarte.