Sunbillako Ulibeltzak elkarteak urtero bezala, besta ederra antolatu du, oraingoan azaroaren 8rako. Egun horretako bazkarirako txartelak, halere, igande honetan, urriak 26, 19:00etatik 19:30era salgai izanen dira Ulibeltzak elkartean, 45 euroren truke.
Egitaraua
Egun handia azaroaren 8a izanen bada ere, mus txapelketa bezperan jokatuko dute, azaroaren 7an, ortziralean 21:30ean hasita. Bikoteko bat bazkide izan behar du.
Biharamunean, larunbatean 09:00etan, bi kuadrillen arteko apustua eginen dute. Oteixonera eta Mendaurrera goiti eta beheiti eginen dute launa lagunek. Eguerdi partean, trikipoteoa izanen dute Ainhoaren eta Janireren eskutik.
Bazkarirako txartelak igande arratsaldean salgai
14:00etan bazkari ederra dastatzeko aukera izanen dute, menu bereziarekin: magra, bieira entsalada eta langostinoak, zamburiñak, zainzuri brika onddo saltsarekin, bakailaoa piperradarekin, azpizuna, torradak, kafea, edaria, txanpaina eta kopa. Txartelak 45 eurotan salgai paratu dituzte eta txartelak saltzeko eguna urriaren 26a, igandea, izanen da, Ulibeltzak elkartean 19:00etatik 19:30era. Eguna ezin hobeki akitzeko, 17:00etatik 22:00etara Modestoren eskutik musika izanen dute.