Madrileko korrikalariak 52 minutu eta 38 segundo behar izan zituen 12 kilometroko ibilbidea osatzeko eta Zubietakoak ordubete, 8 minutu eta 58 segundo.
Zubietako Mendi Lasterketako lehen irabazleak, Rodrigo Jose Navarro madrildarrak, 52 minutu eta 38 segundo behar izan zituen ibilbidea osatzeko. Zazpi segundoko aldea atera zion bigarren izan zen Berastegiko Aritz Intxaurrondori (52.45). Beste gipuzkoar batek, Orendaingo Iker Ormaetxeak osatu zuen podiuma (54.31). Eneit Bertiz sunbildarra laugarren izan zen (54.58). Latsagako Oier Mikelarena zortzigarren izan zen (56-.16) eta Berako Oihan Pikabea bederatzigarren (56.45). Lehen zubietarra Igor Babaze izan zen, hogeita seigarren postuan (1.03.51).
Emakumeei dagokienez, parte hartu zuten 28en artean, Zubietako Naroa Santesteban Otxandorena izan zen bizkorrena (1.08.53), Enea Erkizia Amoros doneztebarra bigarren (1.10.08) eta Elgetako Goiatz Agirre hirugarren (1.10.23).