Euskal Artzainak Ameriketan elkarteak jakinarazi zuenez, Lesakan eginen dute datorren urtean azken ospakizuna
Besta egun handia izan zen igandekoa Donezteben: herri kirolak izan zituzten arpanlariekin eta Estefi Etxebeste harri altxatzailearekin. Meza ondotik, Doneztebeko txistulariek jotako eta Mendi abesbatzak kantatutako Aurreskua dantzatu zuen Itxaso Estangak. Gero, omenaldia eskaini zitzaien Tomas Ibarra eta Xanti Hualde zubietarrei eta Elgorriagan bizi den Lucio Irisarriri, baita Euskal Artzainak Ameriketan elkarteko presidente Laura Igantziri, Arantxa Arregi Doneztebeko alkateari, Carmen Elizalderi eta Fermina Goienetxeri, elkartean eta Elgorriagako museoan egiten duten lanarengatik. Mendi abesbatzako Xalbador Arriolak Xalbadorren heriotzean kantatu zuen. Karrikaz karrika ibili ziren gero, Zubietako joaldunen, zaldi eta zaldunen eta Doneztebeko tistularien laguntzarekin. Gero, 340 lagun bildu ziren Ezkurra pilotalekuan egindako bazkarian. Laura Igantzik berriki hildako Simon Mendiburu ere gogoan izan zuen, besta honetan huts egiten ez zuen 99 urteko artzaina.