Iturriaga leitzarra eta Galeano, Barrokalen eta Mendibururen kontra ariko dira, larunbatean 18:00etan hasita
Adoseko Iera Agirre Iturriaga leitzarrak aurkezpenean gogoratu zuenez, «txapelketa hau gure txapelketa kuttunena da, pandemia garaian sortu baitzen, emakumezkoen pilota herrietako plazetara eramateko asmoz». Urtez urte hazi da, eta aurten, kirol lehiaketaz haratago, genero indarkeriaren aurkako aldarri gisa ere aurkeztu zuten. Hain zuzen, Malerrekako Mankomunitateak babestu du txapelketa, duela hiru urte Malerrekako Erronkarekin egin zuen moduan. Naroa Elizalde Etxekolonea pilotari zubietarra ere gogoan izan dute.