2008-2009 ikasturtean bost ikasle izatetik, aurtengoan 17 izatera pasatu dira eta bi gela berri sortu dituzte
Horren ondorioz, eskola txiki gelditzen ari zen eta horregatik, luzapen bat egin dio eskolari udan Saldiasko Udalak. Izan ere, bi gela berri sortu ditu: psikomotrizitate eta jarduera anitzeko gela, alde batetik, eta irakasleentzako gela bat, beste batetik.
Kanpoko itxura ere eguneratu diote, izan ere, teilez osatutako teilatu berria dauka oraingo eskolak, eta xuriz margoturik dago. Eta eraikinaren horniduran ere lan egin behar izan dute, biltegi gisa erabiltzeko gelatxo bat ere eraiki behar izan dutelako kanpoko aldean, berogailurako.
Otsonta eskolako komunitate eta herri osoarendako mugarri garrantzitsua izan da ikasturte hasiera hau eta memoria kolektiboan gorde nahian, argazki polit hau atera dute.
Ahalegin ekonomiko handia egin behar izan du Saldiasko Udalak zaharberritze lan hauek aitzinera eramateko, baina merezi izan duelakoan daude.