Larunbatean 20:30ean eskainiko du emanaldia San Andres elizan, bertako Enara abesbatzak gonbidatuta eta astelehenean Urrozen kantatuko du
Kantu sakroekin hasiko badira ere, gure folkloreko hainbat doinu izanen dira Jon Iratzokik zuzenduko duen abesbatzaren errepertorioaren oinarri: Aita Donostiaren Hiru txito, Jose Luis Ansorenak moldatutako Boga Boga edota Josu Elberdinen Izar ederrak, erraterako.
Mendi abesbatzaren ondotik, Enara emakumeen abesbatzak kantatuko du, Jordi Freixaren zuzendaritzapean.
Astelehenean, Urrozko bestetan
Baionako emanaldiari segida emanez, datorren astelehenean, irailak 29, Mendiko abeslariak Urrozera joanen dira, San Migel bestetako ospakizunetan parte hartzera, Urrozko Udalak gonbidatuta. 11:00etako mezan abestuko dute eta ondotik beraien emanaldia eginen dute herriko plazan edo frontoian, eguraldiaren arabera.