Heldu den irailaren 29an, astelehenean, berriz, Naturaren zaintzari buruzko Sustrai taupadak. Zuhatz zaintzaileak tailerra eginen dute 17:30ean liburutegian bertan. Euskaraz izanen da eta bortz eta zortzi urte bitarteko haurrei zuzendua dago.
Udazkeneko ekintzei, dagokionez, urrian hasita, berriz, asteartetan, 11:00etan haurrentzako Ipuin Txokoa izanen da. Euskarazko irakurle taldeko lagunek Nerea Ibarzabal idazle bizkaitarraren Bar Gloria liburua leituko dute udazkenean, eta asmoa, elkarrekin bildu eta idazlearekin liburua aletzea izanen da.
Azken ikasturteko datuak eman ditu Marga Erdozain liburuzainak. Denera 4.685 ale mailegatu dira liburutegian, 5.895 bisitari izan dituzte eta gaur egun 842 bazkide ditu. Udako datuei dagokionez, 1.035 liburu mailegatu dituzte denera, eta Erdozain datuarekin «hagitz kontent» dago.
Gainera, irailaren 15ean hasita, neguko ordutegian murgilduta dago liburutegia eta 16:00etatik 20:00etara egonen da irekia.