Urriaren 11n eginen dute ospakizuna egitarau zabalarekin
Aurtizko Koianea Txikia pilotalekua zaharberritzeko eta ixteko lanak egin dituzte hilabeteotan. Urriaren 11n eginen dute inaugurazio ekitaldia eta kantu bazkaria ere izanen dute egitarauan, Santxotenarekin. Bazkarirako txartelak salgai izan ziren herritarrentzat irailaren 5etik 14ra eta hilaren 14tik aitzinera salgai daude gainontzekoentzat.
Helduen menua 40 euro gostako da eta haurren menua 15 euro. Aurtizko Ostatuan eta tailerrean eta Iturengo Herriko Ostatuan eskura daitezke.
Koianea Txikia pilotaleku berrituaren inaugurazioa 11:30ean hasiko da, pilota partida berezi batekin: Mikel Goñi eta Oier Bereau, Ugaitz Elizalderen eta Iñaki Eskuderoren kontra. 13:00etan kantu poteoa izanen dute. 14:00etan kantu bazkaria Santxotenarekin.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.