Bestak hasteko, 18:00etan mus txapelketa eginen dute Santa Luzia plazan. Izen ematea 17:03ean egin beharko da eta bikoteko hamar euro ordaindu beharko dira.Txapelketaren ondotik, 20:00etan txupinazoa botako dute Santa Luzian Tuku-Tuku txarangak alaituta. 21:30ean zezensuzkoa izanen da Bear Zana pilotalekuan eta eguna borobiltzeko musika izanen da. 23:30ean Bide Batez taldearen erromeria izanen da eta ondotik, DJ Aimar ariko da musika paratzen.
Larunbatean, 11:00etan erraldoiak aterako dira karrikara Pepasetik abiatuta. 12:30ean dantzari ttikien emanaldia izanen da eliza atarian. Ondotik, 13:30an bazkariko mahaiak muntatuko dituzte eta 14:00etan izanen da bazkaria.Ondotik, Elektrokela elektrotxaranga herrian barna ariko da eta tenore berean haurrentzako jokoak izanen dira Intzakardin.
Bestak borobiltzeko musika izanen da protagonista Santa Luzia plazan: 20:00etam Roberto Urrutia mariatxiak ariko dira, 23:30ean Alaiko erromeria, eta ondotik, DJ Endara.