Berdintasun agentea kontratatu izana «berdintasunaren alorrean zerbitzu espezifiko bat ezartzeko lehenbiziko pausoa» izan da Malerrekako Mankomunitatearen arabera, eta «aurrerapauso nabarmentzat» jo du, «aukeren berdintasuna sustatzeko eta genero ikuspegia bere politika eta jarduera guzietan txertatzeko».
Horrez gain, berdintasun plana lantzen hasiko da, eta horren bidez, «estrategia marko bat eta ekintza lerro zehatz batzuk» paratu nahi ditu martxan, «benetako berdintasun eraginkorra sustatzeko»
Berdintasun zerbitzua sortuta «Malerrekan bizi diren pertsona guzien bizi kalitatea hobetu» nahi du eta horrekin batera, «berdintasunerako politika publikoak finkatzea bermatuko duten baliabide egonkorrez hornitzeko mankomunitatearen nahiari erantzuten dio».