Iturriaga eta Galeano garaile V. Plazaz Plaza txapelketako Sunbillako jardunaldian

Ttipi-Ttapa 2025eko irailaren 8a

Iturriaga eta Galeano, urdinez, eta Aldaregia eta Agirre, gorriz, ortziralean Sunbillan, Maite Ruiz de Larramendi Mujika epailea tartean dutela. Urdinak nagusitu ziren.

Ados pilota elkarteak, Malerrekako Mankomunitatearen laguntzarekin bosgarren aldiz antolatutako Plazaz Plaza txapelketak aitzinera segitzen du eta ortziralean Sunbillako pilotalekuan jokatu zuten jardunaldia. Iturriaga leitzarrak eta Galeanok 22-4 irabazi zieten Aldaregiari eta Agirreri.

Ortziralean 22-4 irabazi zieten Aldaregiari eta Agirreri

Hasieratik sendo aritu zen bikote urdina, beraien jokoa bikain uztartuz. Erabat nagusitu ziren jokoan, garaipen garbia lortuz.

Asteburuko bertze emaitzak

Sunbillakoa ez da asteburuan Adosek izan duen jaialdi bakarra. Larunbatean, Udara CaixaBank txapelketako partida jokatu zuten Aiegin. Iturriagak eta Mujikak 22-19 irabazi zieten Aranbururi eta Mendibururen ordez aritu zen Agirreri.

Mujika pilota astintzen, Iturriaga, Agirre eta Aranburu erne begira dituela. Gorriak nagusitu ziren larunbatean Aiegin.

Igandean, azkenik, Aizkoako bestetako partida berezia jokatu zuten. Sunbillako Iraide Iriarte Petrirena gazteak eta Iera Agirre Iturriaga leitzarrak 30-26 irabazi zieten Aldaregiari eta Mujikari.

Aizkoako bestetako partidan ere garaile izan zen Iturriaga, Sunbillako Iriarte gaztearekin bikote eginez, Aldaregiaren eta Mujikaren kontra.

Kirola Malerreka Sunbilla

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun