Oraindik liga hasteko aste batzuk falta baldin badira ere, Doneztebeko Errekako gizonezkoen eskubaloi taldeak denboraldiko lehen titulua irabazi du dagoeneko. Etxean eta partida bakarrera jokatu zuen Superkopa larunbatean, Zizurko Ardoi taldearen kontra. Hain zuzen, liga 2024-25 denboraldiko liga irabazi zuen Errekak eta kopa Ardoik. Doneztebarrek partida bikaina jokatu zuten larunbatean ikuslez lepo beterik zegoen Doneztebeko kiroldegian eta, 26-22 irabazita, denboraldiko lehen titulua eskuratu dute. Errekak 2019an irabazi zuen Superkopa. Argazkiak: Erreka KE