Sunbillako BTT ibilaldiaren zazpigarren edizioa egin zen zen abuztuaren 30ean. Nahiz eta hasiera ordua larunbatean 09:00etan izan, 07:30etik aitzinera mugimendua zegoen Sunbillan, baita musika ederra ere. Guztira 170 txirrindulari apuntatu baziren ere, gutti batzuk ez ziren etorri. Egun horretan denborak lagundu bazuen ere, aitzinean egunean euria egina zuen eta ibilbidea bustia zegoen. Gurpil zulaketak eta erorketaren bat izan baziren ere, zorionez deus larririk ez zen izan. Argazkiak: Maider Petrirena.
Proba akitutakoan zozketatutako mendi bizikleta Asier Antuña Zelaietari egokitu zaio
Urtero bezala, bukaeran, txirrindulariek jateko eta edateko aukera zuten. Dortsal zenbakiarekin ere opariak eskuratzeko aukera izan zuten. 167 zenbakiarekin Asier Antuña Zelaietak bizikleta bat eskuratu zuen. Lerro hauen bidez eskerrak eman antolakuntzari, partaideei eta nola ez guzti hau egin ahal izateko laguntzen duten guztiei.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.