Eliza inguruko plazan eginen dute lehia, eta parte hartzaileek hainbat baldintza bete beharko dituzte:
- Lehiakide bakoitzak tomate zaharren hiru lagin aurkeztu ahal izanen ditu gehienez ere. Hibridoa ez den edozein tomate aurkezten ahalko da.
- Lagin bakoitzeko bi tomate aurkeztu beharko dira.
- Gehienez ere 40 lagin onartuko dituzte.
- Parte hartu nahi dutenek 10:00ak baino lehen aurkeztu beharko dituzte tomateak.
Egunean berean 10:00etan bukatuko da izena emateko epea, baina aitzinetik ere egiten ahal da 636 87 79 19 zenbakira idatzita.
Sariak ere izanen ditu lehiak. Nafarroako produktu ekologikoen sorta eta diploma emanen zaizkie hiru tomate onenei. Bertako barietate zaharreko tomate onena ere sarituko dute sari berberarekin. 13:30ean eginen dute sari banaketa.