Jose Luis Gorostiagak, Joseba Gorostiagak, Joseba Telletxeak, Miguel Telletxeak, Edurne Mutuberriak, Mariaje Gogorzak, Txuma Gogorzak, Aitziber Rodriguezek, Cristobal Zabaletak, Paula Gorostiagak, Vicenta Perurenak eta Juani Zabalok osatzen dute Ezkurrako herri bazkariko lantaldea. Beraiek izaten dira, urtero, herritarrentzat bazkaria prestatu, zerbitzatu eta guztia biltzeaz arduratzen direnak. Aurten ere, gogor ariko dira abuztuaren 18an lanean, baina aldez aurretik, udaletxeko balkoira igo eta festei hasiera emateko txupinazoa botako dute.
Lantalde bikaina osatu eta beraien lorpenak ukaezinak direla nabarmendu du udalak eta Ezkurran partekatzen diren baloreen adibide argia direla: «ahalegina, lana, adiskidetasuna, apaltasuna...».