Leurtzako urtegian bi kontrol estazio berri instalatu ditu Kantauriko Ur Konfederazioak

Ttipi-Ttapa 2025eko uztailaren 30a

Leurtzako goitiko urtegian (Beintza-Labaien) eta beheitikoan (Urroz) paratu dituzten kontrol estazioak. Argazkiak: CHC

Kantauriko Ur Konfederazioak handitu egin du Informazio Hidrologikoaren Sistema Automatikoaren kontrol-sarea, eta segimendurako lau estazio berri jarri ditu, Asturiasen, Kantabrian eta Nafarroan. Nafarroako biak Leurtzako urtegietan paratu ditu. Jarduera horien bidez, arroko informazio meteorologikoaren jarraipen zehatzagoa eta jarraituagoa eginen dute. 71 707,30 euroko inbertsioa dute, eta Suspertze, Transformazio eta Erresilientzia Planak (NextGenerationEU) finantzatzen ditu.

20.000 euro baino gehiagoko inbertsioa egin dute goiko eta beheko urtegietan paratutako azpiegituretan.

Beintza-Labaienen, Leurtzako goiko urtegian dagoen estaziorako 14.254,19 euroko inbertsioa egin dute, eta, horrez gain, radar-mailako sentsorea, beroketa-sistemadun kaxoleten plubiometroa, tenperatura-zunda eta eguzki-panel bidezko elikadura ditu. Urrozen, Leurtzako beheko urtegian, 6.470,82 euroko aurrekontua duen estazio bat instalatu da, radar-mailako sentsorea eta barne-bateriadun datalogger bidezko elikadura autonomoa dituena.

Gizartea Malerreka Beintza-Labaien Urroz

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun