Genero indarkeriaren aurka ari den Malerrekako Aske taldera bideratuko dute ostiralean bildutako dirua, 2.000 euro inguru.
Jende asko ibili zen ostiralean Eratsunen. Bazkarian, adibidez, 96 lagun izan ziren eta afarian 70 inguru. Bazkaltzeko paella jatea egin zuten eta afaltzeko xingarra, txistorra eta saiheskiak prestatu zituzten parrillan. Otorduez gain, zozketa eta bingoa ere egin zituzten, baita aulki jokoa txikienentzat eta mus txapelketa helduentzat. Mus txapelketan hamalau bikote aritu ziren eta Emilio Hernandorena eta Mikel Telletxea suertatu ziren txapeldun, finalean Kristina Mariezkurrenari eta Mari Carmen Deskargari irabazita.