Nafarroako emakumezkoen txinga eramate txapelketan, Esti Gastearena sunbildarrak 20 plaza eta 6,95 metro egin zituen, bere laugarren txapela janzteko. Bigarren Maika Iraizoz izan zen (12 plaza eta erdi eta 1,52 metro), hirugarren Iranzu Fierro (9 plaza eta 2,84 metro) eta laugarren Garazi Azkoaga (8 plaza eta 2,73 metro).
Nafarroako txinga eramate txapelketan berdintasun handiagoa izan zen, baina Imanol Martin nagusitu zen, zortzi plaza eskas eginez (7 plaza, hiru laurden eta 5,27 metro), Orein Mondragonek 7 plaza egin zituen eta Josu Elizaldek 4 plaza eta laurden eta 3 metro.
XXV. San Fermin motozerra txapelketan, azkenik, Mikel Lasarte izan zen txapeldun, Juan Asin bigarren eta Amaia Conde hirugarren.