Hori bai, jaialdia irekiko duen partidan, Xanti Uterga eta David Mitxeo doneztebarrak, Matxin III.a eta Ion azpeitiarren kontra ariko dira. Lehenengo partidaren eta finalaren artean, Doneztebeko Udalak eta Erremonte Fundazioak omenaldia eskainiko diote aurten ligako txapeldun izan zen Errekako gizonezkoen eskubaloi taldeari. Erremontisten kamisetak ere zozketatuko dituzte.
Udaberriko erremonte txapelketako jaialdi guztietan bezala, sarrerako dohaintza 10 eurokoa izanen da, 5 eurokoa 16 eta 22 urte artekoentzat eta doan 16 urtetik behetikoentzat. Bildutako guztia ADANO elkartera bideratuko dute.