Frontoiaren urteurrenaren harira, txistularien saioa, pilota partidua, aizkora desafioa, hitzaldia, erakusketa eta luntxa antolatuak zituen Ezkurrako Udalak larunbatean. Baina hori baino gehiago izan zen, Ezkurrako Portoenea etxean sortutako Fernando Etxeberriari omenaldia egin baitzioten.
Eguneko momenturik hunkigarrienetariko bat izan zen, gainera. Etxeberriak frontoia nola eraiki zuten esplikatu zuenean, herriaren alde egindako lan guztia eskertu nahi izan zion herriak. Hala, udal ordezkariek ohorezko zapia paratu zioten, baita luma bat oparitu ere eskribitzen segi dezan, eta Aitor Mendiluzek egindako bi bertsio ere eskaini zizkioten. Etxeberriak TTIPI-TTAPAri kontatu dionez, ez zuen espero, eta hunkituta, «bihotzez eskertu» nahi izan du.
Ezkurrari buruzko hainbat argitalpen egindakoa da Etxeberria, baita TTIPI-TTAPA aldizkarian eta Xorroxin Irratian herriari buruzko hainbat berri emandakoa ere.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!