Apirilaren 12an egin zuten Malerrekako Elkartasun Eguna. Auzolanak fruitua eman 24.178,59 euro bildu zituzten bularreko minbizi metastasikoaren ikerketarako. Navarrabiomed ikerketa zentrura bideratu dute bildutako dirua eta atzo, hilak 12, elkartu ziren bertako ikerlariekin 2zi Elkarteko eta Malerrekako ordezkariak. Bisitatik, «itxaropen eta oso berri onekin» itzuli direla diote, «hunkituta, eskertuta eta beteta». Malerrekako herritarrei eskerrak emateko ere baliatu dute sare sozialetan zabaldu duten mezua: «eskerrik asko bihotz-bihotzez, Malerreka bailarari!! zuen lana eta jarrera, eredugarria izan da».
