Donamaria ere UEMAn sartu da

Ttipi-Ttapa 2025ko mai. 16a, 14:30

Donamariako Jauregia dorretxea.

Dagoeneko hamahiru dira UEMAren barrenean dauden eskualdeko udalerriak.

Astelehenean egin zuen osoko bilkura Donamariako Udalak, eta udal gobernua osatzen duten Herriarengatik taldeko zinegotzi guzien aldeko botoekin, UEMAko kide izatea erabaki zuen.

UEMAren arabera, euskaldunen indizea % 89,2koa da Donamarian, baina «azken urteotan ezagutza apaltzen ari da. Euskaldunen profila aldatzen ari da, eta kezka sortu dute lehenbiziko hizkuntzaren eta etxeko erabileraren datuek».

UEMAn dauden eskualdeko udalerriak
  1. Goizueta 1993tik
  2. Leitza 1994tik
  3. Arantza 1995etik
  4. Areso 2008tik
  5. Bera 2009tik
  6. Etxalar 2009tik
  7. Igantzi 2012tik
  8. Baztan 2013tik
  9. Lesaka 2020tik (2013tik 2015era ere UEMAn egon zen)
  10. Doneztebe 2023tik
  11. Arano 2024tik
  12. Ituren 2024tik
  13. Donamaria aurten

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun