Mendillorriko kiroldegian jokatu zituzten maiatzaren 3an Benjaminen Nafarroako Kirol Jokoak eta Egokitutako Nafarroako Hirugarren Txapelketa. Doneztebeko Erreka elkarteko judokak ere bertan izan ziren eta, judo ona eginez, emaitza ederrak eskuratu zituzten.
Lehenik eta behin, Luka Gallego Montoya (-34kg), Aimar Apeztegia Gatón (-47kg), Inma Castro Mindegia (-26kg), Alazne Sarmiento Quizhpe (-34kg) eta Saioa Urreaga Elizondo (-47kg) aritu ziren benjamin mailan.
Denek lan bikaina egin zuten; beren maila nabarmen hobetu dute eta ia borroka guztiak luzeak eta lehiatuak izan ziren. Dominen artean, Inma Castrok brontzea lortu zuen eta Saioa Urreagak lehen postua eskuratu zuen, urrea Doneztebera ekarriz. Urteetako lanaren fruitua da.
Ondotik, Andrea Mindegia Iribarrenek jokatu zuen jokatu zuen egokitutako txapelketa. Bi borroka izan zituen eta biak irabazi zituen judo bikaina eginez. Kontent akitu zuen denboraldia. Aldi berean, benjaminei lagundu zien entrenatzaile lanetan, animoak eta aholkuak emanez.