Larunbatean 10:00etan elkartuko dira eta 11:00etatik 14:00ak arte Rose Ratinha musikariarekin perkusio tailerra eginen dute. Bazkalondoan, berriz, Afrobahiana dantzak ikasteko tailerra eginen dute Ivanna Brasilekin.
Ondotik, perkusio doinuak herrira zabalduko dituzte 18:00etatik 20:00etara karrika buelta eta batukada erakustaldia eginen baitituzte. 21:30ean elkarrekin afalduko dute parte hartzaileek eta arratsaldean kontzertuak izanen dira: 22:00etan Jo & Swissknife taldea ariko da eta 00:00etan Mantra Selektah.
Igandean izanen du segida topaketak. 10:00etan gosaria izanen dute eta 11:00etatik 14:30era perkusio tailerra eginen dute Claudia Casteblancorekin. Topaketa borobiltzeko 14:00etan agurra izanen dute.
Hainbat talde elkartuko dira topaketan, tartean Doneztebeko Beti Prest eta Sunbillako Kuatukada batukada.