Garfe pilota enpresak antolatzen duen binakako LENC txapelketa profesionaleko partida jokatuko dute maiatzaren 2an Doneztebeko Ezkurra pilotalekuan. Ortziralean 19:30ean hasiko den jaialdiko bigarren partida izanen da txapelketakoa eta Ugaitz Elizalde eta Azpiroz, Iribarrenen eta Arbizuren kontra ariko dira.
Aitzinetik, Erreka Kirol elkarteko bi bikote ariko dira elkarren kontra: Mattin Oiaregi eta Iker Anzizar, Hegoi Fagoagaren eta Oier Eskuderoren kontra.
Garfek Doneztebeko Udalaren eta Erreka kirol elkartearen babesa izan du esku pilota jaialdi hau antolatzeko. Sarrera hamar euro ordaindu beharko dute 18 urtez goitikoek, bortz euro 14 eta 18 urte artekoek eta 14 urtez beheitikoak doan sartuko dira.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!