Donamariako Udalak 8,45 hektareako plantazioa egin du. Zehazki, Errekorri, Xubiste, Arridor eta Usategieta parajeetan egin ditu landaketak, otsailetik martxora bitarte
Lanak 48.299,50 euro kosta dira, eta Nafarroako Gobernuak bere gain hartu ditu, Europako Next Generation funtsen bitartez hartutako dirulaguntzarekin. Lanak gobernuaren esku geldituta, Donamariako Udalak obra zuzendaritzaren gastuak ordaindu behar izan ditu eta lanak egiteaz, Aginagalde enpresa arduratu da.
Errekorrin, 0,66 hektareako eremuan, gaztainondoak eta haltzak landatu dituzte; Xubisten 0,9 hektareako lursailean, alertzea eta tuia; eta Arridorren, 0,29 hektareatan, gaztainondoak. Usategietan egin dute plantaziorik handiena: 6,6 hektareako eremuan, taeda pinua eta gereziondoak.
Landaketak eginda, Galiziatik etorritako kimatzaileek landatutako arbolak kimatu dituzte.