Ortzegunetik aitzinera Doneztebeko enplegu bulegoa lekuz aldatuko dute

Ttipi-Ttapa 2025ko mar. 19a, 08:00

Lehen osasun zentroa zegoen egoitzak hartuko du enplegu zerbitzua.

Doneztebeko enplegu bulegotik jakinarazi dutenez, Leitzako errepidea, 5 izanen da Nafar Lansareren Doneztebeko helbide berria. Ortzegun honetan, martxoaren 20an, eginen dute lekualdaketa.

Alegia, Donezteben lehen osasun zentroa zegoen tokira lekualdatuko dira. Egoitza horretan, Nafar Lansareko bulegoaz gain, SEPE Estatuko Enplegu Zerbitzu Publikoaren eta Nafarroako Ogasun zerbitzuaren bulegoak izanen dira.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun