Emakumearen Nazioarteko Egunaren bueltan, bi hitzordu izan dituzte aurten Eratsunen. Alde batetik, larunbatean bazkaria egin zuten Elitxean eta 30-40 bat emakume bildu ziren. Giro ederrean bazkaldu zuten.
Igandean, berriz, Etorkizun hobeari begira lelopean ihes gela edo escape room-a egin zuten Aske Malerrekako Emakume Taldeak antolatuta. Horren bitartez, emakumeek jasaten dituzten indarkeria motak azaleratu nahi izan zituzten eta bi talde animatu ziren, bat sei lagunekoa eta bertzea lau lagunekoa.
