Asteko lehen hitzordua astelehenean, martxoaren 3an, izanen dute liburutegian. Luisa Etxenike idazlearen eskutik. Literatura begirada feministatik aztertzen ikasiko dute 18:00etan hasi eta 20:00ak bitarte. Tailerra gaztelaniaz izanen da.
Ortzegunean, hilaren 6an, Jon Abril idazle beratarraren bisita izanen dute liburutegian. Landa Adimena programaren barrenean, Neskatoak dokumentalaren emanaldia eta Isildutako eskuak liburuaren aurkezpena eginen dituzte. 18:00etan izanen da hitzordua liburutegian.
Goiatz Labandibarren bisita pasa den astean
Ortzegunean, Goiatz Labandibar idazle oiartzuarraren bisita izan zuten liburutegian. Malerrekako Euskarazko Irakurle Taldearen urteko lehen hitzordua izan zuten. Bekatua nobelari buruz solastatzeko aukera izan zuten bertaratutakoek idazlearekin berarekin.