Otsailaren 3an argitaratu zuen Xabi Iriartek XII Podcastaren lehen atala. Niko Mindegia eskubaloi jokalaria elkarrizketatu du. Iriartek TTIPI-TTAPAri kontatu dionez, helburua ekainera bitartean hilabetero podcast bat argitaratzea da. Ondotik, udan maiztasuna haunditzea espero du, «baliabide ekonomiko gehiago lortzea, eta ahal bada profesionalagoa izatea eta maiztasuna haunditzea.
Podcastaren bitartez, «enpatia ariketa bat» egin nahi du sortzaileak eta lanbide diferenteak dituzten pertsonak ezagutu. «Podcastaren oinarri nagusia da nik dudan jakin-mina ezagutzen ez ditudan mundu, lanbide eta pertsonen inguruan», dio Iriartek. «Podcastak aunitz gustatzen zaizkit eta aunitz motibatzen ninduen aurreiritzirik gabeko elkarrizketak egiteak. Hori da nire helburua bai ikusleekiko zein neure buruarekiko sortzaile gisa».
Elkarrizketa Youtuben dago ikusgai XII Podcasta paratuta, eta aurreratu du hurrengoa youtuber ezagun bati eginen diola.