Ander Larraburu Hernandorenak, 15 urteko txirrindulari sunbildarrak, kadete mailako pistako Espainiako Kopa nagusitasunez irabazi du abiadura modalitatean, Nafarroako selekzioarekin. Aitzineko bi asteburuetan Valentzian eta Sevillan bikain aritu ondotik, asteburu honetan Tafallan jokatutako proban nagusitu zen, Espainiako kopako garailearen maillota irabaziz.
Izan ere, probako hiru modalitatetan (200 metro erlojuaren kontra, abiadura indibiduala eta keirin) irabazle izan zen Larraburu, jokoan zeuden 48 puntuak, guztiak, irabaziz. Mario Menendez (34 puntu) eta Adrian Villegas (32 puntu) asturiarrak lagun izan zituen podiumean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.