Lau egunez futboleko kontzeptuak ikasteko aukera izanen dute parte hartzailek. Adinka hiru taldetan banatuko dira. Hastapen mailako ariko dira 4 eta 6 urte bitarteko haurrak, ikasketa mailan 7 eta 10 urte bitartekoak eta teknifikazioan 11 eta 14 urte bitartekoak. Gainera, atezainak ere bertze talde batean ariko dira, kasu horretan 7 eta 14 urte artekoak.
Campusa Doneztebeko Futbol Zelaian eginen dute, eta 08:45etik 14:00ak arte elkartuko dira. Kasu horretan haur bakoitzak 130 euro ordainduko ditu. Jangela zerbitzua ere emanen dute, eta 40 euroko kostua izanen du.
Hainbat deskontu ere badaude aukeran. Osasuna klubeko edo enpresen klubeko kideek 20 euroko deskontua izanen dute, bi anai-arreba baino gehiago apuntatuz gero haur bakoitzak 10 euroko deskontua izanen du eta iaz parte hartu zutenek ere 10 euroko deskontua izanen dute.
Izen ematea online egin behar da hemen. Martxoaren 11 baino lehen izena ematen dutenek ziurtatua izanen dute Osasunaren zira. Hezitzaileak euskaldunak izanen direla ere jakinarazi dute.
Informazio gehiago nahi duenak 948 29 30 40 telefonora dei dezake, 09:00etatik 13:30era eta 16:30etik 19:30era.