Aimar Jabalera erremontista doneztebarrak lehen aldiz parte hartuko du Masters Kutxabank txapelketan. Urtarrilaren 11n, larunbat arratsaldean, jokatuko du estreinako partida hori Azpirozen kontra Galarretan, 16:30ean hasiko den jaialdian. Uitzikoa izanen da faborito, baina Doneztebeko aurrelari gazteak ezustea eman eta Ansa II.aren eta Barrenetxea IV.aren kontra jokatzeko asmoz kantxaratuko da.
Azpirozek binakako erremonte txapelketa nagusia irabazi berri du Ezkurra II.arekin batera eta moralez gainezka egonen da. Jabalera, bere aldetik, bigarren mailako finalera ailegatu zen Apezetxearekin, baina galdu egin zuen. Udako buruz buruko txapelketan ere aurrez aurre izan ziren Azpiroz eta Jabalera eta orduan 30-15 irabazi zuen Uitzikoak. Baina ikusi beharko larunbateko partidan bakoitzak eman dezakeena.
Urtarrilaren 11ko jaialdia Galarretan
- Gurrutxaga eta Eskudero, Aiestaran VI.a eta Aiestaran VII.a anaien kontra, 3 jokotara
- Azpiroz, Jabaleraren kontra, 30 tantotara KUTXABANK MASTERS
- Ansa II.a eta Larrañaga, Aldabe eta Barrenetxea IV.aren kontra, 3 jokotara